गजल: तिम्रो बाटो मेरो घर आगन संग जोडिएर

Friday, 17 January 2014

गजल 

तिम्रो बाटो मेरो घर आगन संग जोडिएर
चरी जस्तै भयो यो मन त्यो मन संग जोडिएर

शरीर भन्छ अङ्गालोमा बेरीरहुँ तिमीलाई
शिर भन्छ बसुँ तिम्रै बधन संग जोडिएर

कोइलीको मधुरताले मलाई तिम्रै झल्को दिन्छ
साझ पख तिम्रै बोली बचन संग जोडिएर

मेरो तन मेरो मन मेरो पुरै जीन्दगानी
बस्न पाउँ भन्छ तिम्रै जिवन संग जोडिएर

मेरा हरेक प्रभातमा उदाउछौ तिमी पनी
तेजीलो त्यो घाम अनि किरण संग जोडिएर


भण्डारी दाई अचम्म
मेलम्ची हेलम्बु नेपाल

Continue Reading | comments

गजल: मेरी आमाको न्यानो काख झल्के पछि रून थाले

गजल

हेर्दा हेर्दै जोवान मेरो ढल्के पछि रून थाले
अतितका ति पलहरू छल्के पछि रून थाले

बिरानो यो मुलुकमा कसैको साथ नपाउँदा
मेरी आमाको न्यानो काख झल्के पछि रून थाले

मिर्मीरे देखि गोधुली सम्म काम गर्दा गर्दै
यी पसिनाका धाराहरू खल्के पछि रून थाले

रात दिन त्यही मेरो गाउँ घरको यादमा हुँदा
सपनी मा सगरमाथा टल्के पछि रून थाले

कतै पनि कसैको नि साथ छैन मलाई अब
प्रियले छोडी अन्तै तिर पल्के पछि रून थाले

पारश खनाल
खन ६ अर्घाखाँची
हाल मलेसिया

Continue Reading | comments

गजल: भन्नु हुन्थ्यो परिक्षामा गल्तीहरु धेरै हुन्थे ।।

गजल:

यो मदिराको नशामा गल्तीहरु धेरै हुन्थे
हो मातिएको बेलामा गल्तीहरु धेरै हुन्थे ।।

लुकामारी खेल्थ्यौ हामी बिरालो र मुसा जस्तै
उनि लुक्थिन कुनामा गल्तीहरु धेरै हुन्थे ।।

भेट्न जान्थे भेट्न आउथी सधै सधै सन्धिखर्क
त्यही शान्ती बगैचाँमा गल्तीहरु धेरै हुन्थे।।

उता पञ्चे बाजा बज्थ्यो यता हाम्रो मन जल्थ्यो
त्यस्तै मंसिर ताकामा गल्तीहरु धेरै हुन्थे ।।

जिन्दगीको केहि हरफ 'बा' बाट सिके मैले
भन्नु हुन्थ्यो परिक्षामा गल्तीहरु धेरै हुन्थे ।।

डिएनके कुवँर
अर्घाखाँची
लुम्बिनी नेपाल

Continue Reading | comments

गजल: यादै यादमा बिताएका आँखा हेर हितैसी

Wednesday, 15 January 2014

गजल

यादै यादमा बिताएका आँखा हेर हितैसी
पिडामा डुबी निदाएका आँखा हेर हितैसी !!

जुन हेरेर कती रोए मुटु छामेर राती
तिम्रै प्यारले रुवाएका आँखा हेर हितैसी !!

मुना मदनको जस्तो कथा हुने छैन भन्थ्यौ
त्यही कथाले बिझाएका आँखा हेर हितैसी !!

बिछोडको रापले पोल्यो कि पोलेन तिम्लाई
आँशुले ज्यान जलाएका आँखा हेर हितैसी !!

यो डिएनके यसै पागल भएकै होइन
आँशु पुछेर ओभाएका आँखा हेर हितैसी !!

डिएनके कुवँर
अर्घाखाँची
लुम्बिनी नेपाल

Continue Reading | comments

गजल: जुधाएर हेर आँखा बताउनु पर्दैन भो!!

गजल

नि-शंकोच बोले हुन्छ लजाउनु पर्दैन भो
मेरो सामु यसैगरी सर्माउनु पर्दैन भो !!

झुटो बोले ओठहरु सत्यबोल्छन् आँखा तिम्रा
जुधाएर हेर आँखा बताउनु पर्दैन भो!!

मुटु भित्र बसेकी छौ तस्बिरमा खोज्दिन म
बाढुलीमा यादहरु पठाउनु पर्दैन भो !!

बयान के गरौ तिम्रो हँसिलो त्यो मुहारको
अकबरे सुन लाई चम्काउनु पर्दैन भो!!

आकाश तर्फ फर्की थुके छिटा पर्छ मुहारमा
रक्ष्यान हो बुझे पछी चलाऊनु पर्दैन भो !!

जीतु खड्का गाउँले
मोरङ उलाबारी

Continue Reading | comments

गजल: रेडियोमा काम गर्ने साथीहरु प्रती सर्मपित:

गजल

बिहान साँझ समाचार, फुक्छु रेडियोमा
समाचारमा छ संसार, फुक्छु रेडियोमा ।।

खिचातानी लुछातानी, हुन्छ राजनितिमा
के भन्छ हाम्रो सरकार, फुक्छु रेडियोमा ।।

हिंसाको उन्मुलन गर्न, चेतना छर्दै म
हुन्छ भने गाँउ सुधार, फुक्छु रेडियोमा ।।

कार्यक्रम चलाउदा, यस्तो हुन्छ कहिले
बहकिएर आफ्नै प्यार, फुक्छु रेडियोमा ।।

आफ्नो पनि पिडा हुन्छ, कस्लाई सुनाउने
बिदा पाइन्न शनिबार, फुक्छु रेडियोमा ।।

डिएनके कुवँर
अर्घाखाँची
लुम्बिनी नेपाल

Continue Reading | comments

गजल: छाती भरी देश दुख्छ

गजल

खै के खबर सुनाउ छाती भरी देश दुख्छ
छामेर कहाँ बताउ छाती भरी देश दुख्छ ।।

पुस्ता सँगै सुस्ता हँराउछ कि भन्ने पिर
ए बुद्द सुस्ता बचाउ छाती भरी देश दुख्छ ।।

बिरालो नि बाघ भयो सर्कारमा पुग्दाखेरी
निती यस्तो नचलाउ छाती भरी देश दुख्छ ।।

गरीबीले सताएर रुँदै भन्छिन् मेरी आमा
यो छोरो कहाँ पठाउ छाती भरी देश दुख्छ ।।

 

डिएनके कुवँर
लुम्बिनी नेपाल

 

Continue Reading | comments

गजल: म कलममा मसी भरेर आउने छु ।।

Tuesday, 14 January 2014

गजल


ज्युदै आउने छु या मरेर आउने छु ।
तर पक्कै केही त गरेर आउने छु ।।

अरे यार कसम खाएको छु अचेल ।
सके फूलेरै नत्र झरेर आउने छु ।।

चुनौती स्बिकार छ ति पत्थर मुटुमा ।
म यस्तो प्रेम बिज छरेर आउने छु ।।

अठोट लिएको छु समुंद्र पार गर्ने ।
डुबेर होइन म तरेर आउने छु ।।

होशियार युद्धको घोषणा गर्नेहरु ।
म कलममा मसी भरेर आउने छु ।।


समिर सायर भट्टराई
मोतिपुर 8 बुद्धको राज्य कपिलबस्तु

Continue Reading | comments

गजल: बिरामी छु मर्छु होला एकचोटी त भेट्न आउ

Monday, 13 January 2014

गजल

बिरामी छु मर्छु होला एकचोटी त भेट्न आउ
फुल जस्तै झर्छु होला एकचोटी त भेट्न आउ
 
यस्तो लाग्छ तिमि संग भेट्न नपाएरै म त
बैतरणनि तर्छु होला एकचोटी त भेट्न आउ

भत भति पोल्छ छाती दिमाग आगो जस्तै भाछ
झट्टै ठाउ सर्छु होला एकचोटी त भेट्न आउ

भेट्न पाए अड्किएको सास खुल्थ्यो नत्र भने,
स्वोर्ग मा ठाउ भर्छु होला एकचोटी त भेट्न आउ

साच्चै माया गर्छौ भने मेरै भर पर्छौ भने
तिम्रो खुसी हर्छु होला एकचोटि त भेट्न आउ

भण्डारी दाइ "अचम्म"
मेलम्ची हेलम्बु नेपाल

Continue Reading | comments

गजल: कती वटा भुरा हुन्छन पियारी आएपछि ।।

गजल

कोठाभरी चुरा हुन्छन पियारी आएपछि
मनपरी कुरा हुन्छन पियारी आएपछी ।।

साथीहरु जिस्कदै भन्छन तेरो बिहेपछि
सासु र ससुरा हुन्छन पियारी आएपछि ।।

मैले यही सोंचेर जागिर गरिरहेको छु
कती वटा भुरा हुन्छन पियारी आएपछि ।।

आज सम्म कुम्सी रहेका रहरहरु मेरा,
अधुरा नि पुरा हुन्छन पियारी आएपछि ।।

डिएनके कुवँर

Continue Reading | comments

गजल: बिना अर्थ नपरोस रुन तिमीलाई ।

गजल

सुनाउकि बाँसुरीको धुन तिमीलाई
बिनाअर्थ नपरोस रुन तिमीलाई ।

कहिकतै अध्यारोमा तिमी प¥यो भने
गगनमा चम्किएको जुन तिमीलाई ।

पुष्पवर्षा वर्षियोस् तिम्रो जिन्दगीमा
तर काडाँ नपरोस् छुन तिमीलाई ।

रित्याएर आफैलाई सबै दिदापनि
लगाउन सकिन खै गुन तिमीलाई ।

बनि नम्र मधुर वाणी बोल्नु सबैसँग
भन्छु सधै स्वाभिमानी हुन तिमीलाई ।

अनुपम शर्मिला
खन–पोखरपाटा
अर्घाखाँची
लुम्बिनी नेपाल

Continue Reading | comments

गजल: मायामा धोकाखाएपछी,मान्छे गजलकार हुदोरहेछ ।

"गजल"

अर्कोको खुसी लुट्न, मान्छे खुन्खाँर हुदोरहेछ
पैसा भएपछी, बदनामीपनी ईज्जतदार हुदोरहेछ ।।

मेरी पुर्ब प्रेमिका, मेरो गजल पढेर सोच्छीनहोला
मायामा धोकाखाएपछी,मान्छे गजलकार हुदोरहेछ ।।

हाम्रो बिचार एउटै, मन एउटै माया एउटै भएपनी
भाबिले फरक2, दक्दिर लेखेको निधार हुदोरहेछ ।।

मैले यही सम्झेर, उसलाई बिस्तारै2 भुलेको हु
जीन्दगी रुपी नदिमापनी, दुई किनार हुदोरहेछ ।।

चन्द्रमापनी शायद,यहीसम्झी औसिमा झुल्किदैन
मान्छेलाई गुनगर्दा, दागकै मात्रै चिरफार हुदोरहेछ ।।

यसअर्थमा म आजभोली, खर्हो रुपमा उत्रेको हुन्छु
जती सहनसिल भयो, उती नै अत्यचार हुदोरहेछ ।।

मेरो जीन्दगीको भोगाईले, मलाई यही पाठ पढायो
प्रायजसो धोकेबाजको, सुन्दर अनुहार हुदोरहेछ ।।

कुमार के.सी
नरपानी -5 जगत
अर्घाखाँची
01/11/2014

Continue Reading | comments

मेरो राजा भनि खुब माया गर्थी।।

गजल

उ रिसाए पनि खुब माया गर्थी
के के भन्थी अनि खुब माया गर्थी ।।

मलाई काखै निर सुताएर उस्ले
मेरो राजा भनि खुब माया गर्थी।।

सुनसान रातमा आकास हेर्दै
तारा गनी गनी खुब माया गर्थी ।।

म गजलमा कहाँनी लेख्थे हाम्रो
पढेर जिबनी खुब माया गर्थी ।।

हामी छुटेको पनि धेरै भएछ
कसरी बिर्सनी खुब माया गर्थी ।।

डिएनके कुवँर
लुम्बिनी नेपाल

२०७०-०८-१४

Continue Reading | comments

गजल: पसे म प्रदेश तिर कुराएर अर्घाखाँची

गजल:  

पसे म प्रदेश तिर कुराएर अर्घाखाँची
बाध्यत्तमा हिड्नु पर्‍यो रुवाएर अर्घाखाँची ।।

मलाई कहिल्यै भुल्ने छैन् खोलानाला पखेरोले
फर्किने छु भनेको छु कमाएर अर्घाखाँची ।।

बसेका छन् हाँसेका छन् सबैजना मिलीजुली
स्वर्ग जस्तै प्यारो प्यारो बनाएर अर्घाखाँची ।।

आउने छु कुनैदिन पर्खी बसे मेरी सानु
राख्ने छु सधै तिम्लाई हँसाएर अर्घाखाँची ।।

कती रोयौ कती हाँस्यौ गाउँलेको माझ आमा
धेरै बाँच्यौ आफ्नो पिडा लुकाएर अर्घाखाँची ।।

डिएनके कुवँर
अर्घाखाँची
लुम्बिनी नेपाल

Continue Reading | comments